خاکـی

به یاد مسعود بختیاری 

آستاره صو بگوین تندی پاته وردار

تا که تیغشتت بنه تش به کار شوگار

آستاره صو بگوین نهـلی شـو بمهنه

زی تری درو که دی ریشه شو بکهنه

آستاره صو بگوین سر بکشه زیاله

به خروس بنگ بزنه بیار کنه ماله

آستاره صو بگوین بیو دی وا دیاری

آخه مو مندیرتم سر زه که دراری

آستاره صو بگوین ویرت وا مو هم بو

زه شمی مندیرتم ولا چی مه نو

آستاره صو بگوین بد زه مو چه دیدیه

که به ای شوگار شه سر نکشیدی

آستاره صو بگوین تندی پاته وردار

تا که تیغشتت بنه تش به کار شوگار